主页 > 设计游戏 >尖沙咀食乜好!在港日本人最爱居酒屋 大阪正宗串扬+串烧 午餐 >

尖沙咀食乜好!在港日本人最爱居酒屋 大阪正宗串扬+串烧 午餐

2020-07-07  点赞480   浏览量:140
(Presented by Jan Jan串扬)

去旅行大家都爱寻找当地特色美食,尝试透过食物去了解该处嘅人文风情。若自问係哈日一族,又热爱游走大阪同关西一带,自然会对串扬(串炸)呢种发源于大阪新世界地区嘅特色小食,熟悉不过!未有时间飞去大阪?可以嚟到大阪串扬名牌「Jan Jan Kushikatsu串扬专门店」(Jan Jan ),最近喺尖沙咀开设嘅香港第2家分店,一尝正宗串扬风味!

尖沙咀食乜好!在港日本人最爱居酒屋 大阪正宗串扬+串烧 午餐点样分辨好嘅串扬?首先炸衣要薄如金纸,仲要呈现出食物完整形状。咬完第一口,未食嘅部分依然同炸衣连埋一齐。

在港日本人至爱 串扬专门店 Jan Jan Kushikatsu

相约上司、同事收工后去居酒屋食嘢饮酒,向来都係日本独有嘅生活文化,而尖沙咀因为有好多在港日本人喺呢区聚居同工作,所以开设咗好多日本餐厅、酒吧同居酒屋,成为大家想食正宗日本料理嘅好去处。最近经过赫德道25号嘅尊豪坊,发现原来成栋大厦都係由日本人开设嘅酒吧,由于呢啲酒吧比较多日本客人,所以网上暂时未有咩中文分享,但就成为呢区鲜为人知又正宗地道嘅日式餐饮消谴热点,而「Jan Jan」正係成栋大厦唯一一家居酒屋餐厅!好多日本上班族都会喺呢度食完串扬,再到楼上嘅酒吧消谴;或者酒过三巡后落嚟「Jan Jan」点叫串扬填肚。

尖沙咀食乜好!在港日本人最爱居酒屋 大阪正宗串扬+串烧 午餐
虽然係居酒屋,但「Jan Jan」对挑选食材有严谨要求,仲经常引入好多季节性当造美食。
尖沙咀食乜好!在港日本人最爱居酒屋 大阪正宗串扬+串烧 午餐
「免治鸭胸配芥茉葱酱」自家製法国鸭胸免治上,涂有自家製芥茉他他酱同红洋葱粒,透过微辛辣味刺激味蕾,同时又可去除鸭肉骚味,营造丰富味觉层次。
尖沙咀食乜好!在港日本人最爱居酒屋 大阪正宗串扬+串烧 午餐
「炸蚝配荷兰他他酱」兵库县直送生蚝,属季节性食材故特别鲜甜肥美,更有「蚝王」美誉!生蚝上有用人手打成空气感十足嘅蛋黄酱泡沫,令脆皮保持温酥;而底部就搽咗自家製他他酱嚟提鲜。
尖沙咀食乜好!在港日本人最爱居酒屋 大阪正宗串扬+串烧 午餐
「天使虾」严选连三星米芝莲餐厅都选用嘅澳洲蓝水晶虾。生长自纯净法属小岛New Caledonia水域(澳洲同斐济之间),唔单止虾味出众、肉质嫩滑,更因脚身幼细,经油炸后变得格外酥脆可口!

愈多日本人光顾 愈正宗地道

虽然话尖沙嘴同其他地区相比,正宗嘅日本食肆选择繁多,但一讲到要食正宗大阪串扬,就真係5只手指数得晒!居酒屋就可能有5间,但如果想喺尖沙嘴食串扬,就只得「Jan Jan」一间,因此成为好多居港日本人同香港吃货,近期经常光顾嘅居酒屋之一!皆因品牌源自大阪,喺大阪同东京已开设咗13家分店,只要喺东京或者大阪住过嘅人,或者哈日一族,都会认识呢个串扬名牌,对于思乡「味」浓嘅日本人,自然有种他乡遇故知嘅亲切感。

尖沙咀食乜好!在港日本人最爱居酒屋 大阪正宗串扬+串烧 午餐
「海胆汤叶卷」选用京都百年手工名物汤叶(腐皮),黄豆味尤其香浓,混合海藻(海带)圈串起再油炸,最后加上主角北海道海胆,营造出脆腍夹杂、难以名状嘅多重鲜味(Umami)。
尖沙咀食乜好!在港日本人最爱居酒屋 大阪正宗串扬+串烧 午餐
「三文鱼籽海鲜球」海鲜球以虾肉和北海道帆立贝製成,配以蛋味浓郁、减去大量沙律酱嘅自家製他他酱汁,味道更见鲜爽清新。

本地唯一居酒屋 提供串扬串烧

虽然居酒屋喺香港蹤影处处,但想同时食到正宗串扬同串烧,相信走匀全港唯有「Jan Jan」 能够提供!就算成班朋友嚟到有人唔食串扬,都可以点叫呢度做得同样出色嘅串烧嚟食!或者食腻咗串烧时,又可以转食串扬,不时转换吓口味,而且因为係逐串计(当然也有抵食套餐提供),就算係一个人、三五知己定係一大班人嚟食,份量同口味都可以完全自己话事!

尖沙咀食乜好!在港日本人最爱居酒屋 大阪正宗串扬+串烧 午餐
「日本水果番茄」严选静冈县特产番茄,由于甜度较普通番茄高出1.5倍,好似水果咁鲜甜多汁、爽脆清香,所以直接用冰镇方法食用最原汁原味,仲可以点少许海盐嚟提升鲜甜度。
尖沙咀食乜好!在港日本人最爱居酒屋 大阪正宗串扬+串烧 午餐
「三文鱼烧饭糰茶渍」日本珍珠米饭糰结实饱满,泡浸在长时间熬煮嘅鲣鱼高汤里面,成为传说中居酒屋酒足饭饱嘅最后一道「缔め」料理。

任拣逾60款串扬及串烧

呢度嘅食物种类多样,单係串扬已有逾40款选择,串烧都有20款。日本食客忠诚度非常高,但为咗令每星期都会嚟光顾嘅客人,既品尝到平日最喜爱嘅食物,同时亦有一定程度嘅新鲜感,「Jan Jan」会按照季节时令,由日本同世界各地引入当造食材同饮料。虽然成日强调日本特质,但呢度所有工作人员保证对每位客人一视同仁,唔会因为你係(或唔係)同乡就会有待遇差别。

尖沙咀食乜好!在港日本人最爱居酒屋 大阪正宗串扬+串烧 午餐
Jan Jan出品嘅串扬,非常讲究师傅嘅经验同手势,仲有掌控炸油嘅温度同埋时间,当然用咩油同炸粉比例等都好关键啦!

抵食推介:平日指定午餐免费升级!

呢度几乎每晚都座无虚席,由于好受日本朋友欢迎,所以好有日本传统屋酒屋气氛,尤其係週末同假期前夕!晚餐、宵夜以外,佢哋嘅午餐都好抵食!以星期一至五为例,每份午餐由$68至$138不等,当中包括串扬定食(5款)、特选串扬定食(6款)同日本素食串扬定食(6款),前两者包含海鲜、肉类同蔬菜,好味又营养均衡;后者就有口味较特别又健康嘅富士苹果同山药!仲有蛋包大阪烧烧麵同牛扒丼定食等口味选择。新开张期间仲送指定套餐免费升级,又可以免费添饭一次,同送指定热饮,真心抵食!

尖沙咀食乜好!在港日本人最爱居酒屋 大阪正宗串扬+串烧 午餐尖沙咀新店分别设有一般座位、吧枱座位及挖洞座位(VIP房),迎合唔同客人嘅喜好需要。

尖沙咀食乜好!在港日本人最爱居酒屋 大阪正宗串扬+串烧 午餐
VIP房採用挖洞座位设计,好处係唔驶好似塌塌米咁屈住对脚,就算坐几耐都咁舒服,最啱成班知己欢乐聚餐。
尖沙咀食乜好!在港日本人最爱居酒屋 大阪正宗串扬+串烧 午餐
门口以充满简约禅意嘅竹植,同可爱嘅石像公仔作装饰。

Jan Jan Kushikatsu串扬专门店(尖沙咀新店)

地址:赫德道25号尊豪坊1楼

电话:2157 1410

营业时间:

午市:星期一至五 12pm-3pm

星期六及日 12:30pm-3:30pm

晚市:星期日至四 6pm-11pm

星期五及六 6pm-12am

相关阅读