主页 > 设计游戏 >尖沙咀食乜好 10餸大碗麵+自选净餸+鲜油多柠乐 >

尖沙咀食乜好 10餸大碗麵+自选净餸+鲜油多柠乐

2020-07-07  点赞924   浏览量:217
(Presented by 永年士多)

车仔麵点解能够成为其中一种最具代表性嘅香港街头美食?大概九成人都会好直白咁答:「因为胜在由配料、麵底到酱汁都可以自己话事,加上选择多元化,食物饱肚又好味,价钱更加係亲民抵食。」事实係车仔麵易做,但好食嘅车仔麵难求,而以车仔麵煮出名堂,由元朗冲出尖沙咀同铜锣湾嘅「永年士多」,就係其中一家Dining娜真心推介必食嘅港式车仔麵。

尖沙咀食乜好 10餸大碗麵+自选净餸+鲜油多柠乐
舖头角落挂有一大幅以「永年士多」元朗总店、车仔麵等美食饮品,同埋元朗一众地标嘅漫画。

认真为每一款配料调味

虽然香港地车仔麵档林立,不过好多档主为咗节省成本同时间,都会用同一款酱汁为所有配料、粉麵同汤底调味,而元朗「永年」嘅车仔麵,就出咗名每款配料都会用唔同配方去调製,真正做到一餸一味,喺现今讲求成本效益嘅社会,实在係车仔麵迷嘅搵食佳音,亦因为咁Dining娜分别几次喺唔同时段经过都发现人龙,尤其係食晏同晚餐时段,长龙更加係排到出门口再打转。

尖沙咀食乜好 10餸大碗麵+自选净餸+鲜油多柠乐
大碗麵 ($67),有齐猪肠、鱼旦、萝蔔、猪红、猪皮、鸡翼、鸡翼尖、鱿鱼、红肠同菜,一次过满足10种唔同味觉滋味,建议配埋自家製茶味香浓嘅樽仔奶茶佐食。
尖沙咀食乜好 10餸大碗麵+自选净餸+鲜油多柠乐
自选净餸,啱晒香港人文化!最啱唔想食麵,留肚食多几样餸嘅朋友。今次就有招牌猪肠、鸡翼、猪皮、无渣萝蔔、振兴贡丸同陈皮鱼旦。

三代街坊与永年共成长

「永年」喺元朗无人不识,开业30几年,好多街坊都由细食到大,食足两、三代人。好多旧街坊长大后都会搬出元朗以外嘅地区居住,每次返入元朗都必定会嚟「永年」食返碗车仔麵医肚,兼一解味觉情意结。不过由于大家唔係经常返嚟元朗,但又好挂住「永年」嘅车仔麵,所以每次见到负责人时都会追问佢哋几时冲出元朗,喺九龙开设分店,所以「永年」旧年就拣咗喺人流畅旺、四通八达嘅尖沙咀开设第一家分店。满足旧客要求同时,亦希望藉此吸引元朗区以外新客注意。

尖沙咀食乜好 10餸大碗麵+自选净餸+鲜油多柠乐
五餸麵 ($59) ,都係可以自己拣食咩餸。今次就有猪红、猪皮、鸡翼尖、墨鱼丸同鱿鱼鬚,餸多量足,好饱肚!
尖沙咀食乜好 10餸大碗麵+自选净餸+鲜油多柠乐
五餸麵 ($59),呢个素食版最啱想食得健康清淡嘅朋友。无渣萝蔔梗係首选!另有较少见嘅枝竹球、入味厚冬菇、豆卜、山根同时菜等选择,清新得嚟又够味。樽仔乌龙茶,常选台湾冻顶高山茶,茶味甘鲜清甜、生津解腻。
尖沙咀食乜好 10餸大碗麵+自选净餸+鲜油多柠乐
腐乳通菜 $25,选用豆味浓郁、鲜咸有度嘅香港同德兴腐乳,力撑本地製造。

改变经营模式与时代接轨

为确保分店能够保持「永年」三代传承嘅招牌味道,同时要令嗱喳麵不再「嗱喳」!品牌早年已喺屯门自设2,000几呎中央工场,每日预先处理好所有食物上游製作程序,好似清理、腌製同烹调等,既方便量产又确保食安;同时又可以控制成本。加上每日新鲜製作,绝无防腐剂。同时将厨房转成电气化,不再使用煤气。所有食物饮料都会预早一日喺工场製作好,再喺翌日朝早送抵分店,师傅们更会提早喺开舖3个钟前,返到舖头準备后期处理工作。

尖沙咀食乜好 10餸大碗麵+自选净餸+鲜油多柠乐
招牌猪大肠,以独家秘方腌製同炆煮3小时至入味腍身,再放入冰水里面保持爽弹质感。每条原整分明、乾净少肥膏(可选半肥瘦肠),入口爽嫩兼有微微药材香。
尖沙咀食乜好 10餸大碗麵+自选净餸+鲜油多柠乐
南乳猪手虾籽捞麵 ($48),係近期人气之选!本地新鲜猪手胶质极重,食出满口胶原蛋白。元朗虾籽货真价实,配埋招牌药材汤底,养颜又好味。

坊间少见一餸一味

负责人强调「永年」出品以大众化口味为主,并且坚持所有产品尽量自家製作,同时不忘支持本地食材及食品供应商,例如选用元朗麵厂生产嘅手工麵(真材实料)、大埔振兴嘅贡丸(肉香四溢)、同德兴嘅腐乳(豆香丰盈)、本地蚝油品牌,以及本地新鲜猪肠同猪手等。此外,必食秘製辣汁分成5种辛辣度,辣中带甜,同偏咸嘅招牌药材清汤,喺味觉上产生平衡互补效果,两者混合嚟食味道啱啱好。

尖沙咀食乜好 10餸大碗麵+自选净餸+鲜油多柠乐
鲜油多($16) 配冻柠乐($19) ,係下午茶最佳组合!厚切多士外甘脆内鬆软,夹住有成吋厚嘅牛油同炼奶,平实得嚟又叫人食得满足,加埋杯透心凉冻柠乐就至爽啦!如果食多士配樽仔奶茶或樽仔乌龙茶,仲可以叫个抵食多士茶餐($30) 。
尖沙咀食乜好 10餸大碗麵+自选净餸+鲜油多柠乐
红豆冰($25),红豆冰系列分别有原味、奶茶同抹茶,3款口味。图中呢杯经典原味,红豆硕大分明又绵甜起沙,加上黑白淡奶同英国专用冰机刨製碎冰,更加丰富整体口感层次。
尖沙咀食乜好 10餸大碗麵+自选净餸+鲜油多柠乐
柠檬柚子茶($25) ,酸甜醒神、冰凉透心,最啱炎炎夏日饮用,又可以消滞解腻。
尖沙咀食乜好 10餸大碗麵+自选净餸+鲜油多柠乐
樽仔奶茶($17)以几款茶王混製,茶味香浓、入口顺滑。每日鲜製,保证新鲜。樽身更使用成本较贵,但可加快降解嘅塑胶,同唔会主动提供饮管。
尖沙咀食乜好 10餸大碗麵+自选净餸+鲜油多柠乐
尖沙咀分店设计装潢同元朗总店一样走摩登简洁路线。自助形式更加方便大家点叫堂食或外卖。
尖沙咀食乜好 10餸大碗麵+自选净餸+鲜油多柠乐
现时尖沙咀分店客源,分别有附近上班族、由细食到大搬出元朗居住嘅旧街坊,同埋各地游客。

永年士多 (尖沙咀分店)

地  址: 尖沙咀加拿分道46号地下7及8号电  话: 2477 0110营业时间:12:00nn~10:30pm(最后截单时间:10:00pm)

相关阅读